ქართველი ჩოგბურთელი მარიამ ბოლქვაძე დიდ ბრიტანეთში იმყოფება და ძალებს ლაფბოროს საერთაშორისო ტურნირში მოსინჯავს, რომლის საპრიზო ფონდიც 15 ათასი დოლარია.
ერთეულთა ბადის პირველ რაუნდში მარიამის მეტოქე კვალიფიკაციის ერთ-ერთი გამარჯვებული – ბრიტანელი ჰოლი ჰატჩინსონი იქნება. თუკი ქართველმა გოგონამ იმარჯვა, მერვედფინალში მე-3 ნომრად განთესილ ჩეხ კატერინა ვანკოვას და ამერიკელ კრისტინა სმიტს შორის უმჯობესს გაეჯიბრება.
წყვილებში ბოლქვაძის და ბულგარელი ალეკსანდრინა ნაიდენოვას დუეტს მე-3 განთესვა გააჩნია. ისინი ბრიტანელებს ეპლტონს და აშგარს გაეჯიბრებიან.
ცნობისთვის, ქალთა საჩოგბურთო ასოციაციის (WTA) რეიტინგში ბოლქვაძეს 42 ქულა აქვს და 579-ე ადგილზე იმყოფება.
