ზაზა ფაჩულიას თანაგუნდელ, “დალას მავერიკსის” ძირითად გამთამაშებელს დერონ უილიამსს მუხლზე დაზიანება დაუდგინდა, აღნიშნულ ინფორმაციას ESPN-ი ავრცელებს. ტეხასელთა ცნობით, დერონის ტრავმა სერიოზული არ არის.
უილიამსმა მუხლი სეზონის პირველ მატჩში “ფინიქსთან” დაიზიანა. მაგრამ თავდაპირველი ცნობით, მისი ტრავმა არ დასტურდებოდა. დერონმა დღეს “კლიპესთან” ჩატარებული შეხვედრა გამოტოვა და ჯერჯერობით უცნობია, გამთამაშებელი პარკეტს რამდენ დღეში დაუბრუნდება.
შეგახსენებთ, რომ დერონ უილიამსი ზაფხულში გახდა “დალას მავერიკსის” კალათბურთელი, იქამდე 4 წელი “ბრუკლინის” ღირსებას იცავდა.
