ზაზა ფაჩულიას “დალას მავერიკსი” გასვლით შეხვედრაში “ლოს ანჯელეს კლიპერსთან 88:104 დამარცხდა.

ფაჩულია სასტარტო 5-ეულში იმყოფებოდა, ქართველმა ცენტრმა პარკეტზე 18 წუთი და 22 წამი დაჰყო. ამ დროში ზაზამ გუნდს 4 ქულა, 8 მოხსნა და ერთი პასი შესძინა. ფაჩულიამ 8-დან 2 ორქულიანი ჩააგდო. ტეხასელთა ძირითადმა ცენტრმა 3 პერსონალური ჯარიმა მიიღო და ბურთი ერთხელ დაკარგა.

“დალასში” 17 ქულით ჯონ ჯენკინსი გამოირჩა, “კლიპერსს” 26 ქულით და 10 მოხსნით ბლეიკ გრიფინმა ულიდერა.

“დალასი” მომდევნო შეხვედრას 2 ნოემბერს ისევ ლოს ანჯელესში გამართავს, ამჯერად “ლეიკერსის” წინააღმდეგ.