საქართველოს საკლუბო ჩემპიონატზე გურულმა მოჭადრაკეებმა ჩემპიონატის ერთ-ერთ ფავორიტ კახეთთან შეხვედრაში სენსაციური გამარჯვება მოიპოვეს. მატჩში 3 ფრე დაფიქსირდა და გუნდს მოგება ალექსანდრე ებრალიძემ და ქეთევან ხომერიკმა მოუტანეს.

ჩემპიონობისათვის ბრძოლაში მნიშვნელოვანი გამარჯვება მოიპოვა სამეგრელოს გუნდმა – მოქმედ ჩემპიონ “ნონასთან” შეხვედრაში. ლეგიონერებით დაკომპლექტებულმა, დავით კოდუას ნაკრებმა 4:2 იმარჯვა და პირველობაზე სერიოზული განაცხადი გააკეთა.

დიდი ანგარიშით (5:1) უპრობლემო გამარჯვება მოიპოვა ქვემო ქართლის “რუსთავმა” – რაჭა-ლეჩხუმის “ამბროლაურთან” დაპირისპირებაში.

ზედიზედ ორი მარცხის შემდეგ, გამოფხიზლდნენ და მეტად საჭირო გამარჯვება მოიპოვეს თბილისელმა მოჭადრაკეებმა. მათ საპრიზო სამეულისათვის ბრძოლაში უშუალო კონკურენტ ქუთაისის გუნდს 4.5:1.5 სძლიეს.

მომდევნო ტურში კვლავ საინტერესო და მნიშვნელოვანი მატჩები გველის. ერთმანეთს შეებრძოლებიან:

სამეგრელო – თბილისი

კახეთი – ნონა

რუსთავი – გურია

ქუთაისი – ამბროლაური

სატურნირო მდგომარეობა:

1. სამეგრელო – 8 (19 ქულა)
2. რუსთავი – 7 (16)
3. ნონა – 6 (14)
4. თბილისი – 4 (13.5)
5. კახეთი – 3 (13)
6. ქუთაისი – 2 (10)
7. გურია – 2 (5.5)
8. ამბროლაური – 0 (3).

პირად დაფებზე ლიდერობენ:

I დაფა: ალექსანდრ ფიერი (ნონა) – 3.5 ქულა

II დაფა: ვიტალი სივუკმა (სამეგრელო) – 4 ქულა

III დაფა: დავით მაღალაშვილი (ნონა) – 4 ქულა

IV დაფა (ქალთა): ნინო ხურციძე (რუსთავი), მაია ლომინეიშვილი (სამეგრელო) – 3 ქულა

V დაფა (ჭაბუკთა): ოლექსანდრ ბორტნიკი (რუსთავი) – 4 ქულა

VI დაფა (გოგონათა): ნასტასია ზიაზულკინა (რუსთავი), იულია ოსმაკი (სამეგრელო) – 3 ქულა