BBC-ის ინფორმაციით, ინგლისის ეროვნულ ნაკრებს 9 ოქტომბერს “უემბლიზე” ესტონეთთან გასამართ ევროშესარჩევის მატჩში უეინ რუნი ტრავმის გამო დააკლდება და “სამი ლომს” გარი კეჰილი უკაპიტნებს.
ინგლისის ნაკრების ყველა დროის საუკეთესო ბომბარდირმა (50 გოლი) კოჭი ლონდონის “არსენალთან” გამართულ დაპირისპირებაში დაიზიანა და ეროვნულ გუნდთან ერთად სრულფასოვნად ვერ ივარჯიშა. წინასწარი ვარაუდით, შესაძლოა რუნიმ ლიტვასთან 12 ოქტომბერს ითამაშოს.
