ინგლისური “ლივერპული” გელზენკირხენის “შალკეს” ნიჭიერი შემტევით ლეროი სანეთი ინტერესდება – იუწყება ავტორიტეტული გერმანული გამოცემა Bild-ი.
აღნიშნული გამოცემის ცნობით, მერსისაიდულ კლუბს 19 წლის ვინგერის დამატება გასულ ზაფხულსაც სურდა და 15 მილიონ ევროს იხდიდა, თუმცა “შალკეს” ხელმძღვნელობამ ლეროის გაშვება არ ისურვა. “წითლებს” ახალგაზრდა ფეხბურთელის დამატება არ გადაუფიქრებიათ და მის შეძენას მომავალ წელს ეცდებიან.
სანემ მიმდინარე სეზონში 9 მატჩის ჩატარება მოასწრო, 3 გოლი გაიტანა და 1 საგოლე გადაცემა მიითვალა.
“ლივერპულის” გარდა, მისით ლონდონის “ტოტენჰემი” ინტერესდება.
