ბრაზილიურმა “ფლუმინენსემ” რონალდინიოსთან კონტრაქტი გაწყვიტა. კლუბის ოფიციალური ვებგვერდის ცნობით, ხელშეკრულება, რომელსაც ვადა 2016 წლის ბოლომდე ჰქონდა, ურთიერთშეთანხმების საფუძველზე გაუქმდა.

35 წლის ბრაზილიელი შემტევი 2014 წლიდან მიმდინარე წლის ზაფხულამდე მექსიკურ “კერეტაროში” ასპარეზობდა, “ფლუმინენსეში” კი ივლისში ჩაირიცხა. თუ რა გახდა კონტრაქტის ორ თვეში გაწყვეტის მიზეზი უცნობია.