ქართველმა ჩოგბურთელმა ალექსანდრე მეტრეველმა თურქეთის ქალაქ იზმირში მიმდინარე ჩელენჯერზე (საპრიზო ფონდი 64 ათასი ევრო) თამაში მეოთხედფინალში დაასრულა, თუმცა, რეიტინგში მაინც სოლიდური წინსვლა ელის.

მეტრეველმა ასპარეზობა კვალიფიკაციიდან დაიწყო და ძირითად ბადეში გასულმა 2 გამარჯვება მიითვალა, მეოთხედფინალში კი მე-2 ნომრად განთესილ ტუნისელ მალეკ ჯაზირისთან 4:6, 6:7 (4:7) დამარცხდა.

ამ ტურნირამდე, მეტრეველი მსოფლიო კლასიფიკაციაში 418-ე გახლდათ, მომავალი კვირიდან კი სავარაუდოდ, 368-ე პოზიციამდე აღზევდება, რითაც კარიერულ რეკორდს დაამყარებს.