ტურინის “იუვენტუსის” კაპიტანმა ჯანლუიჯი ბუფონმა “მანჩესტერ სიტისთან” მატჩისწინა პრესკონფერენციაზე ისაუბრა. ჯიჯის განცხადებით, იგი დარწმუნებულია, რომ ძველი “იუვე” სულ მალე დაბრუნდება.
“დარწმუნებული ვარ, ნამდვილი “იუვენტუსი” მალევე დაბრუნდება. ჩვენ დიდი ენთუზიაზმი გაგვაჩნია. მე პირადად “სიტის” სტადიონზე პირველად ვთამაშობ, ხოლო ეს გუნდი ლიგის ერთ-ერთი მთავარი ფავორიტია. დღევანდელი თამაში ჩვენთვის გამოცდა იქნება. “იუვესგან” ყველა მეტს ელოდება და “სიტისთან” ჩვენი ძალების დამტკიცებას ვეცდებით”, - აღნიშნა ბუფონმა.
“სიტისა” და “იუვენტუსის” შეხვედრა 22:45 საათზე დაიწყება.
