ევრობასკეტის მესამე სათამაშო დაძაბული აღმოჩნდა. 2015 წლის ევროპის ჩემპიონატზე უკვე დაფიქსირდა პირველი რეკორდი. ტონი პარკერმა ლეგენდარული ბერძენი კალათბურთელის ნიკოს გალისის (1030 ქულა) რეკორდი დაამხო.
ფრანგს პოლონეთთან გამართულ მატჩში ერთი ქულის მოპოვება უნდოდა, რათა ევრობასკეტის ყველა დროის საუკეთესო მექულე გამხდარიყო. პარკერმა განვლი მატჩში 16 ქულა მოაგროვა და გალისს ამდენივე ქულით გაუსწრო. ლოგიკურია პარკერი მომდევნო მატჩებშიც გააუმჯობესებს თავის შედეგს.
რაც შეეხება თამაშს, მონპელიეში მისულმა გულშემატკივრებმა დაძაბული შეხვედრა იხილეს. ფრანგებმა მეტოქე მეორე მეოთხედის ბოლოს გატეხეს. შესვენების შემდეგ უპირატესობა გაზარდეს და პოლონელებს გაქცევის საშუალება არ მისცეს.
ბოლო მეოთხედში პოლონეთი ცდილობდა მასპინძელთან ქულათა სხვაობა შეემცირებინა, თუმცა ნანდო დე კოლო, ბორის დიაუ და ნიკოლას ბატუმი კარგად მოქმედებდნენ. ბოლოს თამაში საკუთარ თავზე პარკერმა აიღო, მის წინააღმდეგ კი პოლონელები ჯარიმდებოდნენ. ტონიმ ბოლო წუთში ორი საჯარიმო გამოიყენა (69:66), ბოლო წამზე კი გორტატმა სამქულიანი ვერ ჩააგდო და საფრანგეთი გახდა პირველი გუნდი, რომელმაც ლილის საგზური მოიპოვა, ანუ მომდევნო ეტაპზე გავიდა.
ესტონეთი 22 წელი ელოდა ევრობასკეტზე თავის გამარჯვებას. რიგაში გამართულ შეხვედრაში უკრაინელებისგან ყველა მოგებას ელოდა, თუმცა ბოლო ორ თამაშში განადგურებულმა ესტონეთმა ძალები მოიკრიბა და 78:71 მოიგო. მატჩის გმირი გრეგორ არბეტი გახდა, რომელმაც ესტონეთს ულიდერა და 26 ქულა მიითვალა.
A ჯგუფი
მონპელიე. საფრანგეთი. 10016
საფრანგეთი – პოლონეთი 69:66 (14:14, 16:12, 22:21, 17:19) (VIDEO)
მონპელიე. საფრანგეთი. 6288
ისრაელი – ბოსნია 84:86 (29:16, 16:19, 15:25, 15:15, 9:11) (VIDEO)
| 1. | საფრანგეთი | 3 | 2 | 1 | 0 | 0 | 247:207 | 6 | |
| 2. | ისრაელი | 3 | 2 | 0 | 1 | 0 | 239:225 | 5 | |
| 3. | პოლონეთი | 3 | 2 | 0 | 0 | 1 | 216:212 | 5 | |
| 4. | ფინეთი | 3 | 1 | 0 | 1 | 1 | 234:255 | 4 | |
| 5. | ბოსნია | 3 | 0 | 1 | 0 | 2 | 204:233 | 4 | |
| 6. | რუსეთი | 3 | 0 | 0 | 0 | 3 | 231:239 | 3 |
D ჯგუფი
რიგა. ლატვია. 5710
ჩეხეთი – ლატვია 65:72 (22:17, 11:23, 9:11, 23:21) (VIDEO)
რიგა. ლატვია. 2795
უკრაინა – ესტონეთი 71:78 (15:14, 23:14, 6:22, 27:28) (VIDEO)
| 1. | ჩეხეთი | 3 | 2 | 0 | 0 | 1 | 223:193 | 5 | |
| 2. | ბელგია | 3 | 2 | 0 | 0 | 1 | 227:207 | 5 | |
| 3. | ლიტვა | 3 | 2 | 0 | 0 | 1 | 211:193 | 5 | |
| 4. | ლატვია | 3 | 2 | 0 | 0 | 1 | 199:200 | 5 | |
| 5. | ესტონეთი | 3 | 1 | 0 | 0 | 2 | 190:235 | 4 | |
| 6. | უკრაინა | 3 | 0 | 0 | 0 | 3 | 203:225 | 3 |
