იტალიის ეროვნულ ნაკრებს მალტასთან და ბულგარეთთან გასამართ შეხვედრებში MLS-ის ბინადარ “ტორონტოს” თავდამსხმელი სებასტიან ჯოვინკო დააკლდება. ამის შესახებ გამოცემა “გაძეტა დელო სპორტი” წერს. 27 წლის შემტევმა “კოვერჩანოს” ბაზა ტრავმის გამო უკვე დატოვა.
ანტონიო კონტემ ტურინის “იუვენტუსის” ექსფეხბურთელის ნაცვლად ნაკრებში “ნაპოლის” თავდამსხმელ ლორენცო ინსინიეს უხმო.
