25 აგვისტოდან საქართველოს ქალ მოჭადრაკეთა ნაკრები შეკრებაზე დაბა ბაკურიანში გაემგზავრება. მსოფლიოს გუნდური ჩემპიონატის გამარჯვებულებს სასტუმრო “ვილა მთაში” უმასპინძლებს.

ჩვენი ჩემპიონები საწვრთნელ შეკრებაზე ევროპის გუნდური ჩემპიონატისათვის (12-22 ნოემბერი, რეიკიავიკი, ისლანდია) მოემზადებიან.

ქალთა გუნდის შემადგენლობა: ნანა ძაგნიძე, ბელა ხოტენაშვილი, ლელა ჯავახიშვილი, მერი არაბიძე, ნინო ბაციაშვილი, სალომე მელია.

მთავარი მწვრთნელი: ელიზბარ უბილავა; მწვრთნელ-კონსულტანტი: დავით ჯოჯუა.