ლონდონის “არსენალმა” 19 წლის ფორვარდი ჩუბა აკპომი 2015-2016 წლის სეზონის ბოლომდე “ჰალ სიტიში” გაანათხოვრა. ამის შესახებ საფეხბურთო კლუბ “ჰალის” ოფიციალური ვებგვერდი იუწყება.
ორი კვირის წინ, ლონდონელთა მთავარი მწვრთნელი არსენ ვენგერი ირწმუნებოდა, რომ აკპომს პირველ გუნდში დატოვებდა, მაგრამ საბოლოოდ, “ჰალში” გაუშვა.
ახალგაზრდა ინგლისელი “არსენალის” აღზრდილია და პირველ გუნდში 2013 წელს დააწინაურეს, სადაც 9-ჯერ უთამაშია.
ცოტა ხნის წინ, “ჰალმა” “არსენალის” კიდევ ერთი ფეხბურთელი ისააკ ჰეიდენი ინათხოვრა.
