2015 წლის ევროპის ჩემპიონატის ჯგუფურ ეტაპზე საქართველოს ერთ-ერთმა მეტოქე სლოვენიის საკალათბურთო ნაკრებმა პირველი საკონტროლო მატჩი გამართა და კიდრიჩევოში ახალ ზელანდიას 73:68 სძლია.

საინტერესოა, რომ დასკვნითი მეოთხედის წინ ევროპელები 3 ქულის სხვაობით მარცხდებოდნენ, თუმცა, ბოლო წუთები სტუმრებზე უკეთ ჩაატარეს და 5 ქულით იმარჯვეს.

მასპინძელთა რიგებში 15 ქულით საუკეთესო იურე ბალაჟიჩი იყო, რომელმაც ეროვნული ნაკრების კაპიტნის სამკლავური პირველად მოირგო. 10-ქულიან ზღვარს კი გუნდის დებიუტანტმა ზიგა დიმეცმა (11), ლუკა რუპნიკმა (10) და ალენ ომიჩმაც (10) უწიეს.

იურე ზდოვცის შეგირდებს ევრობასკეტამდე კიდევ 9 საკონტროლო მატჩი ელით, რომელთაგან უახლოესი 3 აგვისტოს გახლავთ დაგეგმილი, ლაშკოში, ავსტრალიელთა წინააღმდეგ. ამ მატჩისთვის ნაკრებს ზორან დრაგიჩიც შეუერთდება, რომელიც მცირე ხნის წინ “მაიამი ჰითიდან” “ბოსტონ სელქტისში” გაანათხოვრეს. აი, გაცილებით ცნობილი დრაგიჩი – გორანი რომ ევრობასკეტზე არ ითამაშებს, გადაწყვეტილი ამბავია.

შეგახსენებთ, რომ ევრობასკეტ-2015 5-20 სექტემბერს ერთბაშად ოთხ ქვეყანაში შედგება. საქართველოს და სლოვენიის ნაკრებები ზაგრებში დაგეგმილ C ჯგუფში ითამაშებენ, სადაც მათი მეტოქეები მასპინძელი ხორვატია, საბერძნეთი, მაკედონია და ჰოლანდიაც იქნებიან. საქართველოს და სლოვენიის ნაკრებთა მატჩი 6 სექტემბერს გახლავთ დაგეგმილი.

სლოვენია – ახალი ზელანდია 73:68 (18:17, 15:21, 16:14, 24:16)

სლოვენია: რუპნიკი (24 წ. 10 ქ.), პრეპელიჩი (23 წ. 9 ქ. 5 პ.), ბლაჟიჩი (15 წ. 2 ქ.), ბალაჟიჩი (23 წ. 15 ქ. 5 მ.), დიმეცი (13 წ. 11 ქ.); იოკსიმოვიჩი (13 წ. 4 ქ. 3 მ.), ტომიჩი (6 წ. 3 ქ.), ნიკოლიჩი (25 წ. 5 ქ.), მაჰკოვიჩი (11 წ. 1 ქ.), ომიჩი (23 წ. 10 ქ. 6 მ. 3 პ.), ლაპორნიკი (11 წ. 2 ქ.), ვონჩინა (4 წ.), სლოკარი (7 წ. 1 ქ. 3 მ.).

მწვრთნელი: იურე ზდოვცი.

სლოვენიელთა დარჩენილი მატჩების კალენდარი:

3 აგვისტო

სლოვენია – ავსტრალია (ლაშკო)

4 აგვისტო

სლოვენია – ავსტრალია (ლიუბლიანა)

8 აგვისტო

სლოვენია – პოლონეთი (რიგა)

9 აგვისტო

ლატვია – სლოვენია (რიგა)

21 აგვისტო

სლოვენია – უკრაინა (ლიუბლიანა)

22 აგვისტო

სლოვენია – ფინეთი (ლიუბლიანა)

23 აგვისტო

სლოვენია – იტალია (ლიუბლიანა)

27 აგვისტო

სლოვენია – სერბეთი (ლიუბლიანა)

29 აგვისტო

სერბეთი – სლოვენია (ბანია ლუკა)