ინგლისის საფეხბურთო ჩემპიონშიპში მოასპარეზე “ბრენტფორდმა”, რომელშიც აკაკი გოგია გამოდის, მოსამზადებელ პერიოდში ამხანაგური მატჩი ლონდონის “ტოტენჰემთან” ჩაატარა და 1:2 დამარცხდა.

ლონდონელთა ბაზაზე გამართულ სპარინგში ქართველი ფეხბურთელი, რომელიც გერმანიის მოქალაქეა, თამაშში 65-ე წუთზე ჩაერთო.

გოგია “ბრენტფორდში” ზაფხულში გერმანიის მე-3 ლიგის “ჰალეშერიდან” გადავიდა და ინგლისელებთან 4-წლიანი კონტრაქტი გააფორმა.