გიორგი ნერგაძე, რომელიც ბოლო სეზონების განმავლობაში სამხრეთ აფრიკაში თამაშობდა, უახლოეს ხანში საქართველოში დაბრუნდება და კარიერას საფეხბურთო კლუბ “ტორპედოში” გააგრძელებს.

ამის შესახებ ქუთაისელთა მთავარმა მწვრთნელმა გიორგი დარასელიამ “ტორპედოს” ვებგვერდისთვის მიცემულ ინტერვიუში განაცხადა:

“უახლოეს დღეებში ველოდებით 32 წლის ნახევარმცველ გიორგი ნერგაძეს, რომელიც ბოლო რამდენიმე წელი სამხრეთ აფრიკაში თამაშობდა და მას “ტორპედოს” გულშემატკივრები კარგად იცნობენ. იგი მალე ჩამოფრინდება საქართველოში და ვფიქრობ, საბოლოო მოლაპარაკების შემდეგ გუნდსაც შეუერთდება. გარდა ამისა, შესაძლებელია კიდევ ერთი ახალი ფეხბურთელიც დაგვემატოს”.

ნერგაძე ქუთაისის “ტორპედოში” 2003-2005 წლებში თამაშობდა და 66 მატჩში 11 გოლი გაიტანა.