მონტენეგროს ფეხბურთელთა ეროვნული ნაკრების მცველი სტეფან სავიჩი კარიერას მადრიდის “ატლეტიკოში” გააგრძელებს. ამის შესახებ ესპანური კლუბის ვებგვერდი იუწყება.
24 წლის სავიჩმა მადრიდელებთან 5-წლიანი კონტრაქტი გააფორმა. ის ბოლო სამი წლის განმავლობაში იტალიის “ფიორენტინაში” გამოდიოდა, სადაც 108 მატჩში 4 გოლი გაიტანა და 3 საგოლე პასი გააკეთა. ფლორენციელებთან მას კონტრაქტი 2019 წლამდე აკავშირებდა.
მონტენეგროს ნაკრებში სავიჩს 29-ჯერ უთამაშია და 3 გოლი გაუტანია.
