“მანჩესტერ სიტი” ტვიტერის გვერდის ინფორმაციით, “ფულემის” თავდამსხმელის პატრიკ რობერტსი კარიერას “ქალაქელების” რიგებში გააგრძელებს. ინგლისელი ფეხბურთელი ენეს უნალის, ფაბიან დელფის და რაჰიმ სტერლინგის შემდეგ “სიტის” მეოთხე შენაძენი გახლავთ.

ინგლისის 19-წლამდელთა ნაკრების წევრმა გასულ სეზონში “ფულემის” მთავარი გუნდის მაისურით 20 მატჩი ჩაატარა და თავი 2 საგოლე გადაცემით გამოიჩინა.