დასრულდა ბარსელონაში ჩატარებული კლუბის საპრეზიდენტო არჩევნები. დათვლილი ხმების უმრავლესობა ხოსეპ მარია ბართომეუმ მიიღო და ესპანელი გრანდს 2021 წლამდე უხელმძღვანელებს.

არჩევნებში მონაწილეობა 47 270 ადამიანმა მიიღო. ხმების 54.63% (25 823) ბართომეუმ მიიღო, 33.03% (15 615) ჟოან ლაპორტამ მიიღო, აგუსტი ბენედიტოს ხმების 7.16% (3 386) ერგო, ხოლო ბოლო ადგილზე ტონი ფრეიშა გავიდა – 3.7% (1 750).

აღნიშნული არჩევნები ხმების რაოდენობის გათვალისწინებით კლუბის ისტორიაში მესამე გახლდათ. 2010 წელს მონაწილეობა 57 088 ადამიანმა მიიღო, ხოლო 2003 წელს - 51 618 ხმა დაფიქსირდა.

115 წლიანი ისტორიის განმავლობაში კლუბს 46 პრეზიდენტი ჰყავდა. უოლტერ უაილდი 1899 წელს პირველი პრეზიდენტი გახდა, ხოლო ხოსეპ მარია ბართომეუ “ბარსელონას” 2021 წლამდე უხელმძღვანელებს.