როგორც La Gazzetta dello Sport-ი იუწყება, “რომას” კატალონიის "ბარსელონას" ბრაზილიელი მცველის ადრიანოს შეძენა სურს.
ადრიანო “კურიტიბას” საფეხბურთო სკოლის აღზრდილია. მას რამდენიმე პოზიციაზე შეუძლია თამაში. 2005 წელს ბრაზილიის ჩემპიონატიდან ესპანურ “სევილიაში” გადავიდა და ამ დროიდან მოყოლებული ლა ლიგაში თამაშობს.
2010 წელს ხელშეკრულება “ბარსელონასთან” გააფორმა, რომლის შემადგენლობაში არაერთი ტიტული მოიგო.
შეგახსენებთ, 2010-11 წლების სეზონში “რომასთვის” თამაშობდა კიდევ ერთი ბრაზილიელი ადრიანო. ცნობილი ბრაზილიელი ფორვარდი იტალიელთა შემადგენლობაში წარუმატებლად გამოვიდა.
