მადრიდის "რეალიდან" იკერ კასილიასის წასვლას საფეხბურთო საზოგადოებაში დიდი გამოხმაურება მოჰყვა. ლეგენდარულ ესპანელ კიპერს თანადგომა იტალიელმა ჯანლუიჯი ბუფონმა გამოუცხადა.

"შენ იყავი მადრიდის მაისურის ნამდვილი ხატი და განსაკუთრებით, შენი თამაშით გვაჩვენე, რომ ჩვენს პოზიციაზე საუკეთესო ხარ. წარმატებების გისურვებ ახალ მოგზაურობაში, მაგრამ სხვა გუნდის მაისურში შენი ნახვა უცნაური იქნება. ჰალა იკერ!" - დაწერა 37 წლის ჯიჯიმ თავისი ფეისბუქის ოფიციალურ გვერდზე.

ჯანლუიჯი ბუფონი და იკერ კასილიასი ბოლო წლების უდავოდ გამორჩეულ მეკარეებად მიიჩნევიან. ისე კი, ამ ორი ადამიანის მეგობრობაზე ბევრი დაწერილა და თქმულა...