კატალონიის “ბარსელონას” ამჟამინდელმა პრეზიდენტმა ხოსეპ მარია ბართომეუმ, რომელიც პარალელურად 18 ივლისს დანიშნულ საპრეზიდენტო არჩევნებშიც იყრის კენჭს, მიმდინარე სატრანსფერო პერიოდში ტურინის “იუვენტუსისა” და საფრანგეთის ნაკრების ნახევარმცველის პოლ პოგბას “კამპ ნოუზე” გადაბარგება გამორიცხა.
“პოგბა? – წელს მას არ ვიყიდით. ჩვენი მიზნები მის შეძენაზე არაა ორიენტირებული”, - თქვა ბართომეუმ.
თავის მხრივ, “იუვენტუსის” გენერალურმა დირექტორმა ჯუზეპე მაროტამ იტალიელ ჟურნალისტებთან საუბარში განაცხადა, რომ “იუვე” გუნდის ლიდერებთან შელევას არ აპირებს.
პოლ პოგბას “ბარსელონაში”შესაძლო გადაბარგებაზე ბოლო ხანს აქტიურად იწერებოდა. იმასაც ამბობდნენ, რომ 22 წლის ფრანგს “ბარსა” წლეულს შეიძენდა, ხოლო ერთი სეზონით მას ისევ ტურინში დატოვებდა.
