შვედეთის ქალაქ ჰელსინგბორგში მიმდინარე საერთაშორისო ტურნირზე (საპრიზო ფონდი 25 ათასი დოლარი) საწყისი ბარიერი გაიარა სოფო ქვაცაბაიამ.

ქართველმა ჩოგბურთელმა გერმანელ ნინა ზანდერს 7:5, 6:2 მოუგო და მერფვედფინალში შვედ სოფია არვიდსონს შეხვდება.

წყვილთა ტურნირში ეკატერინე გორგოძე და შვედი კორნელა ლისტერი პირველ ნომრად არიან განთესილნი და მერვედფინალში შვედები – ეკი და როსენკვისტი 4:6, 6:2, 10:8 დაამარცხეს. მეოთხედფინალში ისინი ძალებს სლოვაკ ჰონჩოვასთან და ხორვატ ნირიჩთან მოსინჯავენ.

რაც შეეხებათ ქვაცაბაიას და ბერძენი ვეტერანი ელენი დანილიდუს მე-3 რეიტინგის მქონე დუეტს, მათ ასევე შვედებს იარსკლოგს და ოსტლუნდს 6:0, 6:1 სძლიეს და შემდეგ რაუნდში პოლონელ ბარანსკას და ბელგიელ ბოევს გაეჯიბრებიან.