რუსეთის დედაქალაქში სტარტი აიღო გამოჩენილი საჭადრაკო მოღვაწის ვლადიმირ დვორკოვიჩის მეათე საიუბილეო თასის გათამაშებამ იუნიორთა შორის.

ასპარეზობაზე 8 გუნდი მონაწილეობს: რუსეთი, ჩინეთი, ინდოეთი, ლატვია, საქართველო, აზერბაიჯანი, სომხეთი და დვორკოვიჩის კლუბი.თითოეული გუნდის შემადგენლობაში 3 ჭაბუკი და 1 გოგონაა.

შეჯიბრი წრიული სისტემით 7 ტურად გაიმართება და I ტური თბილისის დროით 23 ივნისის 15:00 საათზე დაიწყება.

საქართველოს ღირსებას ტურნირზე დაიცავენ: გიორგი სიბაშვილი, ნოე თუთისანი, ნიკა ღვამბერია და ნინო ხომერიკი; გუნდის კაპიტანი საერთაშორისო ოსტატი აკაკი იაშვილი.

პირველ ტურში ჩვენი წარგზავნილები ინდოელ თანატოლებს დაუპირისპირდებიან.

gcf.org.ge