ინგლისური "მანჩესტერ იუნაიტედი" მადრიდის "რეალის" მცველით სერხიო რამოსით ინტერესდება. გამოცემა as-ის ინფორმაციით, "წითელი ეშმაკები" მადრიდელებს ფეხბურთელის სანაცვლოდ 30 მილიონ ევროს და მეკარე დავიდ დე ხეას სთავაზობენ, რომელიც თავის მხრივ "რეალის" ინტერესთა სფეროშია მოქცეული. იმავე წყაროს ცნობით, თავად რამოსი "ოლდ ტრაფორდზე" გადაბარგების შემთხვევაში სეზონში ჯამაგირის სახით 12 მილიონ ევროს მიიღებს.

ინგლისური გამოცემის "დეილი მეილის" ინფორმაციით კი, სერხიო რამოსმა "რეალის" ხელმძღვანელებს გუნდიდან გაშვება უკვე სთხოვა.

რამოსი "რეალში" 2005 წლიდან მოყოლებული თამაშობს და გუნდის ვიცე-კაპიტნია.