22 ივნისს, biletebi.ge-ზე უეფას სუპერთასის მატჩის ბილეთების გაყიდვა უნდა დაწყებულიყო. თუმცა, ამჟამად ვებ-პორტალზე შესვლისას შემდეგი სახის განცხადება გვხვდება: “საიტზე მიმდინარეობს შეტევა. ვმუშაობთ გასანეიტრალებლად”.

ბილეთების გაყიდვამდე უეფას წარმომადგენლებმა საიტი შეამოწმეს და აღნიშნეს, რომ პორტალი გაყიდვის პროცესს თავს გაართმევდა.

ჯერჯერობით მეტი ინფორმაცია biletebi.ge-ს მხრიდან არ ვრცელდება.

აღნიშნულ საკითხთან დაკავშირებით ფეხბურთის ფედერაციის პრეზიდენტი ზვიად სიჭინავა განცხადებას 11:30 საათზე სფფ-ის ოფისში გააკეთებს.