ინგლისური “ნიუკასლი” იტალიური “რომას” ვეტერანი მცველის ეშლი კოულის შეძენაზე ფიქრობს – იუწყება ბრიტანული გამოცემა Daily Star–ი.
“კაჭკაჭების” ხელმძღვანელობას მაღალი დონის მარცხენა უკანახაზელის დამატება სურს და ერთ-ერთ კანდიდატურად ეშლის განიხილავს, რომელიც მიმდინარე ზაფხულს დიდი ალბათობით “რომას” დატოვებს.
34 წლის ინგლისელს “მგლებთან” მოქმედი ხელშეკრულება 2016 წლამდე აკავშირებს, თუმცა დედაქალაქურ კლუბს კარგად ვერ მოერგო და წასვლაში ხელს არ შეუშლიან. მან დასრულებულ სეზონში ყველა ტურნირზე მხოლოდ 16 მატჩი ჩაატარა.
