“ლივერპულს” “იუვენტუსის” 30 წლის ესპანელი შემტევის ფერნანდო ლორენტეს გადაბირება სურს, აღნიშნულ ინფორმაციას Daily Mail-ი ავრცელებს. “მერსისაიდელები” უახლოეს მომავალში ფეხბურთელთან მოლაპარაკებების დაწყებას გეგმავენ.

წყაროს ცნობით, ზაფხულში ლორენტე ტურინულს კლუბს აუცილებლად დატოვებს, რადგან რამდენიმე დღის წინ “იუვენტუსმა” მარიო მანძუკიჩი და პაულო დიბალა დაიმატა.

ლორენტე “იუვენტუსში” 2013 წლიდან თამაშობს, სადაც 65 შეხვედრა ჩაატარა და 23 გოლი გაიტანა.