როგორც Sky Sports იუწყება, მარტინ შკრტელი თანახმაა “ლივერპულთან” ახალი კონტრაქტი გააფორმოს. აღნიშნული ცნობა სლოვაკის აგენტმა დაადასტურა. აგენტის თქმით შკრტელს კლუბთან კონტრაქტი 2017 წელს ეწურება. მიუხედავად ამისა საუბარია ახალი კონტრაქტის გაფორმებაზე.

30 წლის შკრტელი მერსისაიდულ კლუბში 2008 წლიდან თამაშობს. გასულ სეზონში პრემიერლიგის 33 მატჩში მიიღო მონაწილეობა და ერთი გოლი გაიტანა.

შკრტელის საფეხბურთო კარიერა მშობლიურ “ტრენჩინში” დაიწყო, 2004-2008 წლებში სანქტ-პეტერბურგის “ზენიტში” თამაშობდა. სწორედ “ზენიტში” ჩატარებული წარმატებული მატჩების შემდეგ მიიწვიეს ეროვნულ ნაკრებში.