ევროპის 2016 წლის ჩემპიონატის შესარჩევი ეტაპის მე-6 ტური სამ ჯგუფში გამართული შეხვედრებით გაგრძელდა. საქართველოს ნაკრების მეტოქეებზე უკვე ვილაპარაკეთ. ამიტომაც, ამაზე აღარ შევჩერდებით და სხვა ჯგუფებზე ვისაუბრებთ.
F ჯგუფში მორიგი ხმაურიანი სენსაცია დაფიქსირდა. ფარერების ნაკრებმა საბერძნეთს უმასპინძლა და მიმდინარე შესარჩევში მეორედ დაამარცხა. მასპინძლებმა პირველი ნახევარი იანსონის გოლით მოიგეს. 70-ე წუთზე ოლსენმა სხვაობა გაზარდა, ხოლო 84-ე წუთზე პაპასტატოპულოსმა პრესტიჟის გოლის გატანა მოახერხა – 2:1. საბერძნეთი 2 ქულით ბოლო ადგილზეა და ევროპის ჩემპიონატზე გასვლის შანსი აღარ აქვს, ხოლო ფარერები 6 ქულით მე-4 პოზიციას იკავებს და მე-3 ადგილოსან უნგრეთს 5 ქულით ჩამორჩება.
უნგრეთის ნაკრებმა სტიბერის გოლით სტუმრად ფინეთი დაამარცხა, ხოლო ჩრდილო ირლანდიამ და რუმინეთმა ბელფასტში უგოლო ფრე ითამაშეს.
I ჯგუფში თბილისში მომზადებული პორტუგალიის ნაკრები ერევანს ეწვია და ადგილობრივი სომხეთი კრიშტიანო რონალდუს ჰეთ-თრიკით დაამარცხა. ანგარიში მასპინძლებმა გახსნეს, პიცელმა მე-14 წუთზე მოახერხა სომხეთის დაწინაურება. 29-ე წუთზე რონალდუმ პენალტის ნიშნულიდან მოახერხა გათანაბრება და ტაიმი ფრედ დასრულდა.
მეორე ნახევარში რონალდუმ კიდევ ორჯერ დაამწუხრა ჩვენი მეზობელი. 55-ე წუთზე მეკარის და მცველის შეუთანხმებელი თამაშით ისარგებლა, ხოლო 58-ე წუთზე შესანიშნავი შორეული დარტყმით გაიტანა. პორტუგალიას მას შემდეგ გაუჭირდა, რაც 62-ე წუთზე ტიაგო მენდეშმა მეორე ყვითელი ბარათი მიიღო და მოედნის დატოვება მოუწია. მკოიანმა ერთი ბურთი 72-ე წუთზე გაქვითა, თუმცა მეტის გაკეთება მათ ვეღარ მოახერხეს და პორტუგალიამ მნიშვნელოვანი 3 ქულა ჩაიწერა აქტივში – 2:3.
დანიის ნაკრები შინ სერბეთს დაუხვდა და დამაჯერებლად, ორბურთიანი სხვაობით დაამარცხა. პორტუგალია 12 ქულით პირველ ადგილზეა, დანიას 10 ქულა აქვს, ხოლო სომხეთსა და სერბეთს თითო.
F ჯგუფი
ფარერები – საბერძნეთი 2:1 (1:0)
გოლები: 1:0 იანსონი (32), 2:0 ოლსენი (70), 2:1 პაპასტატოპულოსი (84).
ფინეთი – უნგრეთი 0:1 (0:0)
გოლი: სტიბერი 82.
ჩრდილო ირლანდია – რუმინეთი 0:0
| 1. | რუმინეთი | 6 | 4 | 2 | 0 | 7:1 | 14 | |
| 2. | ჩრდილო ირლანდია | 6 | 4 | 1 | 1 | 8:4 | 13 | |
| 3. | უნგრეთი | 6 | 3 | 2 | 1 | 5:3 | 11 | |
| 4. | ფარერები | 6 | 2 | 0 | 4 | 4:8 | 6 | |
| 5. | ფინეთი | 6 | 1 | 1 | 4 | 5:8 | 4 | |
| 6. | საბერძნეთი | 6 | 0 | 2 | 4 | 2:7 | 2 |
I ჯგუფი
სომხეთი – პორტუგალია 2:3 (1:1)
ერევანი, “ვაზგენ სარქისიანის სახელობის სტადიონი”
სომხეთი (4-1-4-1): ბერეზოვსკი, ანდოიანი, არზუმანიანი, ნკოიანი, აირაპეტიანი, მკრტიჩიანი (ოვსეპიანი 29), პიცელი, ღაზარიანი, ოვანისიანი (ოსბილისი 61), მხიტარიანი, სარქისოვი (კორიანი 72).
მწვრთნელი: სარგის ოვსეპიანი
პორტუგალია: (4-3-3): პატრისიო, რ.კარვალიო (ფონტე 78), ალვეში, ელიზეუ, ვეირინია, კოენტრაო (ა.სილვა 72), ტიაგო, მოუტინიო, ნანი, რონალდუ, დანი (უ.კარვალიო 63).
მწვრთნელი: ფერნანდო სანტუში
გოლები: 1:0 პიცელი (14), 1:1;1:2;1:3 რონალდუ (29;55;58), 2:3 მკოიანი (72).
გაფრთხილებები: ოვსეპიანი – ტიაგო, პატრისიო
გაძევება: ტიაგო 62.
მსაჯი: სერგი გუმიენი
დანია – სერბეთი 2:0 (1:0)
გოლები: 1:0 ი.პოულსენი (13), 2:0 ჯ.პოულსენი (87).
34-ე წუთზე აგერმა პენალტი ვერ გაიტანა
| 1. | პორტუგალია | 5 | 4 | 0 | 1 | 7:4 | 12 | |
| 2. | დანია | 5 | 3 | 1 | 1 | 8:4 | 10 | |
| 3. | ალბანეთი | 4 | 2 | 1 | 1 | 4:5 | 7 | |
| 4. | სერბეთი | 5 | 1 | 1 | 3 | 6:8 | 1 | |
| 5. | სომხეთი | 5 | 0 | 1 | 4 | 5:9 | 1 |
შენიშვნა - სერბეთს დაკლებული აქვს 3 ქულა
