როგორც Gazetta dello Sport იუწყება, მილანის “ინტერის” მთავარი მწვრთნელი რობერტო მანჩინი ჩიჩარიტოთი დაინტერესდა. ზაფხულის სატრანსფერო ფანჯრის დროს მილანური კლუბის ერთ-ერთი მთავარი ამოცანა 27 წლის ფორვარდის შეძენაა.
მექსიკელი ფეხბურთელი “მანჩესტერ იუნაიტედის” საკუთრებაა, გასული სეზონში კი განათხოვრების წესით მადრიდის “რეალში” ითამაშა. მან ლა ლიგის 23 მატჩში 7 გოლი გაიტანა.
აღსანიშნავია, რომ მექსიკის ეროვნული ნაკრების მოთამაშემ გასულ სეზონში ჩემპიონთა ლიგის მეოთხედფინალში მადრიდის “ატლეტიკოს” კარში გამარჯვების გოლი გაიტანა.
