როგორც Correio de Manha იუწყება, მადრიდის "რეალის" მცველი ფაბიო კოენტრაო ლისაბონის “ბენფიკაში” დაბრუნებასთან ახლოსაა. ამ ეტაპზე პორტუგალიის ჩემპიონი კოენტრაოს გამოსყიდვას არ გეგმავს, საუბარია 27 წლის მოთამაშის “ბენფიკაში” განათხოვრებაზე.

პორტუგალიელი მარცხენა მცველი “სამეფო კლუბის” სასტარტო შემადგენლობის ფეხბურთელად არ ითვლება, სათამაშო პრაქტიკის სიმცირეს განიცდის, ამიტომაც დაფიქრდა მადრიდიდან წასვლაზე.

გავრცელებული ინფორმაციით, კოენტრაოს დამატების სურვილი ასევე აქვთ “მანჩესტერ იუნაიტედსა” და პსჟ-ს.

კოენტრაომ გასული სეზონის ლა ლიგის მხოლოდ 9 მატჩში მიიღო მონაწილეობა.