ძალიან საინტერესოდ დაიწყო ევროპის 2016 წლის ჩემპიონატის შესარჩევი ეტაპის მე-6 ტური. საკვალიფიკაციო ციკლის დასრულებამდე ოთხი ტურით ადრე, თავიანთ ჯგუფებში ისლანდია და უელსი ლიდერობენ, რასაც შესარჩევის დაწყების წინ ძალიან ცოტა თუ წამოიდგენდა. ნახსენები ნაკრებები მე-3 ადგილოსანს ხუთი ქულით უსწრებენ და ისტორიული შანსი აქვთ, რომ კონტინენტის პირველობაზე ითამაშონ.
დღის პირველი შეხვედრა ალმათში შედგა, სადაც ადგილობრივმა ყაზახეთის ნაკრებმა მედგარი წინააღმდეგობა გაუწია თურქეთს და 83-ე წუთამდე გაძლო. ერთადერთი გოლი არდა თურანის ანგარიშზეა – 0:1.
დიდხანს იბრძოლა ლატვიამაც, თუმცა კლასმა თავისი გაიტანა და ჰოლანდიის ნაკრებმა მაინც მოახერხა სუსტი მეტოქის გატეხვა. ანგარიში 67-ე წუთზე ჟორჟინიო ვეინალდუმმა გახსნა, ხოლო ოთხ წუთში ლუსიანო ნარსინგმა შეარხია მეტოქის კარი – 0:2.
ჯგუფის ლიდერების დაპირისპირება შედგა რეიკიავიკში, სადაც ისლანდიის ნაკრებმა ჩეხეთი დაამარცხა და ერთპიროვნულად გალიდერდა. ანგარიში 55-ე წუთზე სტუმრებმა გახსნეს, რასაც მე-60 წუთზე გუნარსონის, ხოლო 76-ე წუთზე სიგტორსონის გოლი მოჰყვა – 2:1.
B ჯგუფის მთავარი შეხვედრა კარდიფში გაიმართა და ბევრისთვის მოულოდნელად, მასპინძელმა უელსის ნაკრებმა ბელგიის დამარცხება მოახერხა. გამარჯვების გოლი გარეტ ბეილმა გაიტანა 25-ე წუთზე – 1:0. უელსის ნაკრები ჯგუფის ერთპიროვნული ლიდერია.
ბოსნიის ნაკრებმა შინ ისრაელი დაამარცხა, ხოლო კვიპროსმა მაჩანჩალა ანდორას სძლია გასვლაზე.
დღის ცენტრალური მატჩი სპლიტში გაიმართა. მატჩმა ძალიან დაძაბულად და საინტერესოდ ჩაიარა. ანგარიშის გახსნა მე-7 წუთზე მარიო მანძუკიჩს შეეძლო, რომელმაც პენალტის ნიშნულიდან ჯანლუიჯი ბუფონს ვერ აჯობა. მარიომ შეცდომა ოთხ წუთში გამოასწორა და ხორვატია დააწინაურა. “სკუადრა აძურამ” გათანაბრება 36-ე წუთზე პენალტით მოახერხა. ანტონიო კანდრევამ პანენკას სტილში გაუტანა სუბასიჩს. დარჩენილ დროში ორივე ნაკრების მცდელობის მიუხედავად ანგარიში აღარ შეცვლილა – 1:1. ჯგუფის ლიდერობა ხორვატიას დარჩა, რომელიც იტალიაზე 2 ქულით წინაა.
ბულგარეთის ნაკრებმა იგორ პოპოვის გოლით მოუგო სტუმრად მალტას, ხოლო ნორვეგიამ მოულოდნელად შინ ვერ აჯობა აზერბაიჯანს.
A ჯგუფი
ლატვია – ჰოლანდია 0:2 (0:0)
გოლები: 0:1 ვეინალდუმი (67), 0:2 ნარსინგი (71).
ყაზახეთი – თურქეთი 0:1 (0:0)
გოლი: თურანი 83.
ისლანდია – ჩეხეთი 2:1 (0:0)
გოლები: 0:1 დოკალი (55), 1:1 გუნარსონი (60), 2:1 სიგტორსონი (76).
| 1. | ისლანდია | 6 | 5 | 0 | 1 | 14:3 | 15 | |
| 2. | ჩეხეთი | 6 | 4 | 1 | 1 | 12:8 | 13 | |
| 3. | ჰოლანდია | 6 | 3 | 1 | 2 | 13:6 | 10 | |
| 4. | თურქეთი | 6 | 2 | 2 | 2 | 7:8 | 8 | |
| 5. | ლატვია | 6 | 0 | 3 | 3 | 2:13 | 3 | |
| 6. | ყაზახეთი | 6 | 0 | 1 | 5 | 4:14 | 1 |
B ჯგუფი
უელსი – ბელგია 1:0 (1:0)
უელსი (3-4-2-1): ჰენესი, უილიამსი, განტერი, ჩესტერი, ლედლი, ალენი, ნ.ტეილორი, რიჩარდსი, ბეილი (ვოკსი 87), რემსი, რობსონ-კანუ (კინგი 93).
მწვრთნელი:
ბელგია (4-2-3-1): კურტუა, ლომბერტსი, დენაიერი, ვერტონგენი, ალდერვეირელდი (ფერეირა-კარასკო 77), ვიტსელი, ნაინგოლანი, დე ბრუინი, მერტენსი (ლუკაკუ 46), აზარი, ბენტეკე.
მწვრთნელი: მარკ ვილმოტსი
გოლები: 1:0 ბეილი (25).
გაფრთხილებები: ალენი - ლომბერტსი
მსაჯი: ფელიქს ბრიხი
ანდორა – კვიპროსი 1:3 (1:2)
გოლები: 1:0 დ.ჟუნიორი (2 ს.კ.) 1:1;1:2;1:3 მიტიდისი (13;45+1;53).
51-ე წუთზე ნ.ჟუნიორმა პენალტი ვერ გაიტანა
ბოსნია – ისრაელი 3:1 (2:1)
გოლები: 0:1 ტ.ბენ ჰაიმი II (12), 1:1;3:1 ვიშა (42;75), 2:1 ჯეკო (45+2).
| 1. | უელსი | 6 | 4 | 2 | 0 | 8:2 | 14 | |
| 2. | ბელგია | 6 | 3 | 2 | 1 | 13:2 | 11 | |
| 3. | ისრაელი | 6 | 3 | 0 | 3 | 10:9 | 9 | |
| 4. | კვიპროსი | 6 | 3 | 0 | 3 | 12:11 | 9 | |
| 5. | ბოსნია | 6 | 2 | 2 | 2 | 8:7 | 8 | |
| 6. | ანდორა | 6 | 0 | 0 | 6 | 3:23 | 0 |
H ჯგუფი
ხორვატია – იტალია 1:1 (1:1)
ხორვატია (4-2-3-1): სუბაშიჩი, შინდელფელდი, ვიდა, სრნა, პრანიჩი (ვრსალჟკო 73), რაკიტიჩი, ბროზოვიჩი, კოვაჩიჩი (ლეოვაჩი 92), პერიშიჩი, ოლიჩი (რებიჩი 46), მანძუკიჩი.
მწვრთნელი:
იტალია (4-1-4-1): ბუფონი, (სირიგუ 46) ასტორი, ბონუჩი, დარმიანი, დე სილვესტრი (დე შილიო 27), პირლო, პაროლო, მარკიზიო, ელ შაარავი (რანოკია 80), კანდრევა, პელე.
მწვრთნელი: ანტონიო კონტე
გოლები: 1:0 მანძუკიჩი (11), 1:1 კანდრევა (36 პენ.).
გაფრთხილებები: მანძუკიჩი, ოლიჩი, სრნა, რებიჩი, კოვაჩიჩი – ბუფონი, პაროლო, მარკიზიო
მსაჯი: მარტინ ატკინსონი
მე-7 წუთზე მანძუკიჩმა პენალტი ვერ გაიტანა
ნორვეგია – აზერბაიჯანი 0:0
მალტა – ბულგარეთი 0:1 (0:0)
გოლი: ი.პოპოვი 56.
45+2 წუთზე მიკანსკიმ პენალტი ვერ გაიტანა
| 1. | ხორვატია | 6 | 4 | 2 | 0 | 16:3 | 14 | |
| 2. | იტალია | 6 | 3 | 3 | 0 | 9:5 | 12 | |
| 3. | ნორვეგია | 6 | 3 | 1 | 2 | 7:8 | 10 | |
| 4. | ბულგარეთი | 6 | 2 | 2 | 2 | 7:7 | 8 | |
| 5. | აზერბაიჯანი | 6 | 1 | 1 | 4 | 4:11 | 4 | |
| 6. | მალტა | 6 | 0 | 1 | 5 | 1:10 | 1 |
