როგორც L’Equipe იუწყება, “ასტონ ვილას” ფლორენტინ პოგბას შეძენა სურს. “სენტ ეტიენის” მცველს ფრანგულ კლუბთან კონტრაქტი ერთი სეზონის შემდეგ ეწურება, მოთამაშემ კი შეთავაზებას კონტრაქტის გახანგრძლივებასთან დაკავშირებით უარით უპასუხა.

24 წლის ფლორენტინ პოგბა ვიგოს “სელტასა” და ფრანგული “სედანის” აღზრდილია. მისი პირველი ნაბიჯი პროფესიულ ფეხბურთში “სედანის” შემადგენლობაში შედგა, 2012 წლიდან კი “სენტ ეტიენში” თამაშობს.

ფლორენტინ პოგბა ტურინის “იუვენტუსის” ფეხბურთელ პოლ პოგბას ძმაა, მათი კიდევ ერთი ძმა მატიას პოგბა კი ინგლისის რანგით მეოთხე ლიგაში თამაშობს.