უკრაინის 21 წლამდე ფეხბურთელთა ნაკრები, რომელშიც ვალერიან გვილია და ამბროსი ჩაჩუა გამოდიან, ვალერი ლობანოვსკის სახელობის მემორიალის ფინალში სლოვენიელ თანატოლებთან დამარცხდა.

მატჩის ძირითადი დრო 1:1 დასრულდა, ხოლო პენალტების სერიაში სლოვენიელებმა 6:5 გაიმარჯვეს.

გვილია და ჩაჩუა სასტარტო შემადგენლობაში იყვნენ. პირველი მათგანი 46-ე წუთზე შეცვალეს, ხოლო მეორე – 79-ეზე.

გვილია საქართველოშია დაბადებულ-გაზრდილი და უკრაინის მოქალაქე ზაპოროჟიეს “მეტალურგში” ჩარიცხვის შემდეგ გახდა. ჩაჩუა უკრაინაშია დაბადებული და ლვოვის “კარპატის” აღზრდილია.

აღსანიშნავია, რომ გვილიას უკრაინის 21-წლამდელებში დებიუტი ჰქონდა, ჩაჩუას კი, ამ ქვეყნის ასაკობრივ ნაკრებებში ადრეც უთამაშია.