როგორც Sky Sports იუწყება, პაულო დიბალა “იუვენტუსის” ფეხბურთელია. ტურინულმა კლუბმა 21 წლის არგენტინელი ფეხბურთელის სანაცვლოდ 23,4 მილიონი გირვანქა გადაიხადა. დიბალა “იუვენტუსში” 5 წლის განმავლობაში ითამაშებს. დიბალაზე მეტი სატრანსფერო თანხა ტურინელებს მხოლოდ ჯანლუიჯი ბუფონში, პაველ ნედვედსა და ლილიან ტურამში აქვთ გადახდილი.

იტალიური გრანდის ოფიციალური ვებგვერდი ამ ეტაპზე ინფორმაციას არ ადასტურებს.

“პალერმომ” დიბალა 2012 წელს არგენტინული “ინსტიტუტოდან” შეიძინა. პაულომ იტალიის სერია ა-ში არაერთი გოლი გაიტანა და “პალერმოს” ლიდერად იქცა, რამაც “იუვენტუსის” დაინტერესება განაპირობა.

შეგახსენებთ დიბალას შეძენა ასევე სურდათ ლონდონის “არსენალსა” და “ბარსელონას,” საბოლოოდ კი მისი ტრანსფერი ტურინულ კლუბში შედგა.