ევროპის ლიგის გამარჯვებულმა "სევილიამ" მომავალი სეზონისთვის გაძლიერება დაიწყო. ცნობილია, რომ "სევილიელი დალაქები" გაისად ჩემპიონთა ლიგაზე ითამაშებენ და შესაბამისად, ტრანსფერებს ხელი აქედანვე მიჰყვეს.

გუნდის პირველი შენაძენი ვიგოს "სელტას" დანიელი ნახევარმცველი მიშელ კრონ-დელი აღმოჩნდა. 31 წლის ფეხბურთელი უნაი ემერის გუნდს თავისუფალი აგენტის სტატუსით შეუერთდება.

კრონ-დელი "სელტაში" 2012 წლიდან მოყოლებული თამაშობდა. გასულ სეზონში მან ვიგოელთა რიგებში ჩატარებულ 36 მატჩში 1 გოლის გატანა მოახერხა.