ფიფას აღმასრულებელი კომიტეტის გადაწყვეტილებით, 2026 წლის მსოფლიო ჩემპიონატის მასპინძლობაზე განაცხადის გაკეთებას აზიის კონტინენტის ქვეყნების გარდა, ყველა სხვა ქვეყანა შეძლებს. აღნიშნული ინფორმაცია ფიფას პრეზიდენტმა იოზეფ ბლატერმა გაავრცელა.

2022 წელს ყატარში, აზიის კონტინენტზე 22-ე მუნდიალი გაიმართება. შედეგად 4 წლის შემდეგ იგივე კონტინენტი ტურნირს ვერ უმასპინძლებს.

2026 წლის მსოფლიო ჩემპიონატის ჩატარების სურვილს ჩინეთი გამოთქვამდა, თუმცა ფიფამ ჩინურ მხარეს გეგმები ჩაუშალა.