სეზონის მთავარი მატჩის გამართვამდე ცოტა დრო დარჩა. ამ მატჩთან დაკავშირებით თავისი მოსაზრება "ბარსელონას" არგენტინელმა ნახევარმცველმა ხავიერ მასკერანომ დააფიქსირა. სამხრეთამერიკელი ფეხბურთელის თქმით, კატალონური გრანდი ფავორიტი სულაც არაა და ფინალის ბედს ყველა პატარა დეტალი გადაწყვეტს.
"ჩემთვის "იუვენტუსი" იტალიის საუკეთესო გუნდია, რომელმაც ბოლო წლებში ბევრი იშრომა, რომ აქამდე მოსულიყო. ყველა ამბობს, რომ ფავორიტები ვართ, მაგრამ ასე არაა. ფინალში განსხვავებას ყოველი დეტალი განაპირობებს", - ამბობს მასკერანო.
ტურინის "იუვენტუსი" და კატალონიის "ბარსელონა" ერთმანეთს ბერლინში, 6 ივნისს დაუპირისპირდებიან.
