ლონდონის “ჩელსის” მთავარი მწვრთნელის ჟოზე მოურინიოს განცხადებით გუნდი გაძლიერებას არ საჭიროებს. მოურინიოს თქმით მთავარია გუნდმა ფეხბურთელები შეინარჩუნოს.

“ჩვენ გეგმებში ახალი ფეხბურთელის დამატება არ შედის. როგორ შეიძლება ვიპოვო დიეგო კოშტაზე ძლიერი ფეხბურთელი? ან მატიჩზე ძლიერი ნახევარმცველი და ივანოვიჩზე ძლიერი მარჯვენა მცველი?”, - განაცხადა პორტუგალიელმა.

მოურინიომ ამ თემაზე ტაილანდში გასამართი ამხანაგური შეხვედრის წინ ისაუბრა. 30 მაისს ლონდონის “ჩელსი” ტაილანდის ჩემპიონატის ვარსკვლავთა გუნდს დაუპირისპირდება.

“ჩელსი” 2014-15 წლების სეზონში ინგლისის პრემიერლიგის გამარჯვებული გახდა. ასევე მოიპოვა ინგლისის ლიგის თასი.