იტალიელი ფეხბურთელის მარიო ბალოტელის აგენტ მინო რაიოლას თქმით, 24 წლის ფორვარდი ზაფხულში “ლივერპულს” არ დატოვებს. ვრცელდებოდა ინფორმაცია ბალოტელის სხვა გუნდში გადასვლის შესახებ, თუმცა რაიოლამ ეს ხმები უარყო. ასე რომ, ზაფხულის სატრანსფერო ფანჯრის დროს ბალოტელის შესახებ სიახლე არ არის მოსალოდნელი.

ბალოტელი “ლივერპულში” გასული სეზონის დასაწყისში “მილანიდან” გადავიდა. მან ინგლისის პრემიერლიგაში 16 მატჩი ჩაატარა და 1 გოლი გაიტანა.

ბალოტელიმ პროფესიული კარიერა “ლუმეცანეში” დაიწყო, შემდეგ “ინტერში,” “მანჩესტერ სიტისა” და “მილანში” თამაშობდა. 2010 წლიდან იტალიის ეროვნული ნაკრების წევრია. მან ნაკრებთან ერთად ევრო 2012-ზე ვერცხლის მედალი მოიპოვა.