ახალგაზრდა “ბორჯღალოსნები”, რომელთაც გუშინ ქართული რაგბის ისტორიის სრულიად ახალი თავი დაწერეს, თბილისში 26 მაისს, საქართველოს დამოუკიდებლობის დღეს, დილის 03:20 საათზე ჩამოდიან!

შეგახსენებთ, რომ ლისაბონში გამართული 2015 წლის მსოფლიო რაგბის 20-წლამდელთა ალაფის ფინალში ქართველმა მორაგბეებმა კანადის თანატოლთა ნაკრები 49:24 დაამარცხეს და გაისად 12-გუნდა ელიტაში ასპარეზობის უფლება მოიპოვეს, რითიც არა მხოლოდ ქართული რაგბის ქომაგები, არამედ სრულიად ქვეყანა გაახარეს.

ქართული რაგბის ყველა ქომაგს მოგიწოდებთ ამაღამ 03:00 საათიდან შევიკრიბოთ თბილისის საერთაშორისო აეროპორტში, რათა დავხვდეთ ახალგაზრდა “ბორჯღალოსნებს”, მადლობა გადავუხადოთ მონიჭებული სიხარულისთვის და ერთად მივულოცოთ საქართველოს დამოუკიდებლობის დღე!

რაგბი ჩვენი თამაშია!