დღეს ქართველ ქალ ფეხბურთელთა ნაკრებმა თბილისში მდებარე "მარაკანას" სტადიონზე ივარჯიშა. თამაზ კოსტავას გუნდი 23 მაისს აზერბაიჯანში გაემგზავრება და იქ ორ ამხანაგურ მატჩს გამართავს.
საქართველოს ქალ ფეხბურთელთა ეროვნული გუნდი მიმდინარე წლის სექტემბერში ევროპის ჩემპიონატის საკვალიფიკაციო ეტაპში მიიღებს მონაწილეობას. თამაზ კოსტავას გუნდი შესარჩევი ეტაპის მატჩებისთვის სათანადოდ მოსამზადებლად 26 და 29 მაისს ბაქოში აზერბაიჯანის ნაკრებთან ამხანაგურ მატჩებს გამართავს. საქართველოს ნაკრები 18 ფეხბურთელით გაემგზავრება აზერბაიჯანის დედაქალაქში, სადაც გუნდს ორი ლეგიონერი – მეკარე თამარ ნადირაშვილი და ფორვარდი ანა ჩემინავა შეუერთდებიან. გთავაზობთ ნაკრების სრულ სიას:
მეკარეები: ნინო ჭკუასელი (“იბერია-სთარი”, საქართველო), თამარ ნადირაშვილი (“ჟალგირისი”, ლიტვა).
მცველები: ნინო ჩხარტიშვილი (“გურია”), ნათია სხირტლაძე, თინათინ თევდორაძე, ნინო კოჭლამაზაშვილი, სალომე ხუბულური, ანა ზაქაიძე (ყველა “იბერია-სთარი”), , თამარ ტატუაშვილი (“სამსუნგ აბთა”, თურქეთი), ნინო სუთიძე (“ნივა ბელკარდი”, ბელარუსი).
ნახევარმცველები: ნინო პასიკაშვილი (“ნივა ბელკარდი”, ბელარუსი), ანა სინატაშვილი, ლანა გორგაძე (“მართვე ქუთაისი”), მარიამ დანელია (“აფხაზეთი”), მარი ბასილაძე, მედეა მუმლაძე (35-ე სკოლა), ტატა მატვეევა (“ქონაქ ბელედიუე”, თურქეთი).
თავდამსხმელები: ანა ჩემინავა (“ჟალგირისი”, ლიტვა), ლელა ჭიჭინაძე (“ადანა იდმანურდუსფორი”, თურქეთი), თამრიკო კვალიაშვილი (“იბერია-სთარი”).
შესარჩევი ციკლის მე-6 ჯგუფში ქართველები შვეიცარიის, იტალიის, ჩეხეთისა და ჩრდილოეთ ირლანდიის ნაკრებებს დაუპირისპირდებიან. ჯგუფში პირველ ადგილზე გასული გუნდი ევროპის ჩემპიონატის ფინალურ ეტაპზე ითამაშებს, მათ 8 ჯგუფის საუკეთესო 6 მეორე ადგილოსანი დაემატება. ტურნირი ჰოლანდიაში გაიმართება.
შესარჩევ ციკლამდე იტალიის ნაკრები ამხანაგურ მატჩს მოქმედ მსოფლიოს ჩემპიონ იაპონიის გუნდთან გამართავს, შვეიცარია კი გერმანიას დაუპირისპირდება. ჯგუფის ფავორიტად სწორედ იტალიისა და შვეიცარიის გუნდები ითვლებიან.
გთავაზობთ საქართველოს ნაკრების შესარჩევი ციკლის კალენდარს:
2015 წელი
18 სექტემბერი
იტალია – საქართველო
22 სექტემბერი
საქართველო – ჩეხეთი
24 ოქტომბერი
საქართველო – ჩრდილოეთ ირლანდია
27 ოქტომბერი
შვეიცარია – საქართველო
2016 წელი
12 აპრილი
ჩეხეთი - საქართველო
3 ივნისი
ჩრდილოეთ ირლანდია – საქართველო
7 ივნისი
საქართველო – იტალია
15 სექტემბერი
საქართველო – შვეიცარია
