საქართველოს 19 წლამდე ფეხბურთელთა ნაკრების მთავარმა მწვრთნელმა გიორგი დევდარიანმა, თბილისში გასამართი ევრო-2015-ის ელიტ რაუნდისთვის შეკრებაზე 26 ფეხბურთელი გამოიძახა.

საქართველოს ფეხბურთის ფედერაციის პრესსამსახურის ინფორმაციით, 19-წლამდელები 18 მაისს “ბასაზე” შეიკრიბებიან.

მეკარეები: ბექა ქურდაძე, ლაზარე კუპატაძე (ორივე “საბურთალო”), ოთო გოშაძე (“ქასიმფაშა”, თურქეთი).

მცველები: ჯიმი ტაბიძე, გაგი მარგველაშვილი, გრიგოლ ჩაბრაძე, ცოტნე ნადარაია (ყველა “საბურთალო”), ზურაბ მალანია (“შუქურა”, ქობულეთი), გიორგი დუმბაძე (“ლოკომოტივი”, თბილისი), გიორგი თევზაძე (“სამტრედია”).

ნახევარმცველები: გიორგი ხარაიშვილი, გურამ გოშთელიანი, ლადო მამუჩაშვილი (ყველა “საბურთალო”), გიორგი ბერიძე (“ზესტაფონი”), ლადო მოხევიშვილი (“ლევანტე”, ესპანეთი), ზაურ გოგუაძე (“ტორპედო”, ქუთაისი), გიორგი კილასონია (“მეტალურგი”, რუსთავი), ოთარ კიტეიშვილი (“დინამო”, თბილისი).

თავდამსხმელები: ლუკა ზარანდია (“გენკი”, ბელგია), გიორგი ხორხელი (“საბურთალო”), ბექა ჭკუასელი (“დინამო”, ბათუმი), მათე კვირკვია (“ზესტაფონი”), აკაკი შულაია (“მერანი”, მარტვილი), გიორგი არაბიძე (“ლოკომოტივი”, თბილისი), ილია კერძევაძე (“სამტრედია”), რომან ჭანტურია (“ემპოლი”, იტალია).

მეკარე ბექა ქურდაძე ნაკრებთან ერთად შეკრების დასაწყისში ივარჯიშებს, რის შემდეგ, 21-წლამდელებში გადაინაცვლებს და ევროპის ჩემპიონატის შესარჩევი ციკლისთვის მოემზადება.

უცნობია რომან ჭანტურიას თბილისში ჩამოსვლის თარიღი, ვინაიდან “ემპოლის” თავდამსხმელმა 17 მაისს იტალიური კლუბის რიგებში უნდა ითამაშოს. “გენკის” შემტევმა ნახევარმცველმა ლუკა ზარანდიამ ტრავმა მოირჩინა და შეკრებაზე თავიდანვე იქნება.

“სამტრედიის” მცველი გიორგი თევზაძე და ფორვარდი ილია კერძევაძე, ასევე, “დინამოს” ნახევარმცველი ოთარ კიტეიშვილი, ნაკრებს 26 მაისის მერე შეურთდებიან, რადგან საქართველოს დავით ყიფიანის თასის ფინალში თამაში უწევთ.

ელიტრაუნდი 29 მაისიდან 3 ივნისის ჩათვლით გაიმართება. ჯგუფში ქართველი 19-წლამდელების მეტოქეები ესპანეთის, პორტუგალიისა და თურქეთის ნაკრებები არიან. საქართველოს ნაკრების სამივე მატჩს “საზოგადოებრივი მაუწყებლის” “პირველი არხი” პირდაპირი ეთერით გადასცემს.