იტალიური “რომას” ბელგიელი ნახევარმცველი რაჯა ნაინგოლანი ფრანგული პსჟ-ს ინტერესის სფეროში მოექცა.
Het Laatste Nieuws-ის ცნობით, პარიზელებმა 27 წლის ფეხბურთელს, რომელზეც პრეტენზიას ტურინის “იუვენტუსი” და ლონდონის “ტოტენჰემიც” აცხადებენ, უკვე შესთავაზეს კონტრაქტის გაფორმება.
გაზეთის მონაცემებით, ნაინგოლანის სატრანსფერო უფლება “რომას” და “კალიარის” თანაბრად ეკუთვნის და ისინი ბელგიელის სანაცვლოდ 40 მილიონ ევროს ითხოვენ. აღსანიშნავია, რომ “ტოტენჰემი” რაჯას შესაძენად ასეთი თანხის გადახდას არ აპირებს, ხოლო “იუვენტუსი” მას მხოლოდ პოგბას გასხვისების შემთხვევაში შეიძენს. ზოგიერთი საინფორმაციო საშუალების მტკიცებით, ნაინგოლანის შეძენა “მანჩესტერ იუნაიტედსაც” სურს.
27 წლის ბელგიელმა სერია A-ს მიმდინარე სეზონში ჩატარებულ 32 მატჩში 4 გოლი გაიტანა.
