საფრანგეთის ჩემპიონი "პარი სენ ჟერმენი" ზაფხულის სატრანსფერო პერიოდში ინგლისური "მანჩესტერ იუნაიტედის" არგენტინელი თავდამსხმელის, ანხელ დი მარიას იჯარით დამატებას შეეცდება, შესაძლო გამოსყიდვის პერსპექტივით. ამის შესახებ ინგლისური გამოცემა "სანი" იუწყება.

ანხელ დი მარია "ოლდ ტრაფორდზე" გასულ ზაფხულს მადრიდის "რეალიდან" გადავიდა 75 მილიონი ევროს სანაცვლოდ, თუმცა გაცემული ავანსების ბოლომდე გამართლება ჯერჯერობით ვერ მოახერხა. მიმდინარე სეზონში მან პრემიერლიგაში ჩატარებულ 26 მატჩში 3 გოლი გაიტანა.