ევროპალიგის პირველ ნახევარფინალურ მატჩში "ნაპოლიმ" შინ "დნიპროს" უმასპინძლა, შეხვედრა ფრედ 1:1 დასრულდა. უკრაინული კლუბის სასტარტოში შემადგენლობაში მოხვდა ჯაბა კანკავა, რომელიც 69-ე წუთზე შეცვალეს. კანკავამ 24-ე წუთზე ყვითელი ბარათი მიიღო. საპასუხო მატჩი კიევში 14 მაისს გაიმართება და ფინალისტის ვინაობაც იმ მატჩში გაირკვევა.

დანიის პირველი დივიზიონის 28-ე ტურში "ორჰუსმა" სტუმრად 2:0 დაამარცხა "როსკილდე." გამარჯვებულთა სასტარტო შემადგენლობაში მოხვდა მათე ვაწაძე, ამჯერად მას გოლი არ გაუტანია. ქართველი ფორვარდი 88-ე წუთზე შეცვალეს. დავით სხირტლაძე მე-80 წუთზე ჩაერთო თამაშში, დავით დევდარიანი კი კვლავ ტრავმირებულია. დანიის პირველ დივიზიონში 12 გუნდი მონაწილეობას, "ორჰუსი" 55 ქულით პირველ ადგილზეა და ერთი ქულით უსწრებს "ვიბორგს," რომელსაც ერთით ნაკლები მატჩი აქვს ჩატარებული.