ტურინის “იუვენტუსი” იტალიის სერია A-ს მომდევნო ორ საშინაო მატჩს, “კალიარისა” და “ნაპოლის” წინააღმდეგ “კურვა სუდის” გარეშე ჩაატარებს. “კურვა სუდი” კი “იუვენტუს სთედიუმის” ტრიბუნებზე ყველაზე ცხელი წერტილი გახლავთ.

აღნიშნული გადაწყვეტილება იტალიის ფეხბურთის ფედერაციის სადისციპლინო კომიტეტმა მიიღო, რაც გამოწვეული “ტორინო” - “იუვენტუსის” მატჩისას “იუვეს” გულშემატკივრების მხრიდან მეტოქე გუნდის სექტორში ნასროლი ასაფეთქებელი ნივთიერებით გახლავთ.