როჯერ ფედერერისთვის მონტე კარლოს “მასტერზ1000”-ის მოგება კვლავინდებურად აუხდენელ ოცნებად რჩება. ამ ტურნირის ოთხგზის ფინალისტი (როჯერი სამჯერ რაფა ნადალთან დამარცხდა, ერთხელაც სტენ ვავრინკასთან, შარშან) წლეულს შეჯიბრებას ფრანგ გაელ მონფისთან 4:6, 6:7 დამარცხების შემდეგ გამოეთიშა.

მატჩი საათსა და 44 წუთს გაგრძელდა. კლასიფიკაციის 18-ე ნომერმა, 28 წლის ფრანგმა 2 ბრეიკი, 3 ეისი შეასრულა და ფედერერთან ურთიერთშეხვედრების ანგარიში 4:8 გახადა.

მონტე კარლოს Monte-Carlo Rolex Masters-ის ნახევარფინალში გაელ მონფისი ბულგარელ გრიგორ დიმიტროვს შეხვდება, რომელმაც თავის მხრივ ვავრინკას მოუგო.