ინგლისის პრემიერლიგის ბინადარი ლონდონის “არსენალი”, იტალიური “რომას” ბერძენი მცველის, კოსტას მანოლასის შეძენას ზაფხულის სატრანსფერო ფანჯრის დროს შეეცდება. ამის შესახებ ინგლისური მედია იუწყება. ალბიონელი ჟურნალისტების ცნობით, 23 წლის ბერძენი ფეხბურთელის ყიდვა “მეთოფეთა” ფრანგ თავკაც არსენ ვენგერს სურს.
მანოლასი “რომაში” მიმდინარე სეზონის დაწყებამდე გადაბარგდა და გუნდის ძირითად შემადგენლობაში დამკვიდრება არ გასჭირვებია. იტალიის ჩემპიონატში მან 24 შეხვედრა გამართა. მანამდე სახელი პირეოსის “ოლიმპიაკოსში” თამაშით გაითქვა.
